Нууцлалын бодлого
Сүүлд шинэчилсэн: 2026-11-03
1. Бид хэн бэ
ЭЕШ.online («бид») нь eysh.online хаягаар Элсэлтийн ерөнхий шалгалтад (ЭЕШ) бэлтгэх онлайн үйлчилгээ үзүүлдэг. Үйлчилгээг Яргайтек ХХК (Yargaitech LLC) эрхэлдэг бөгөөд таны хувийн мэдээллийг хариуцна. Холбоо барих: info@yargaitech.com, эсвэл нэвтэрсний дараа Профайл → Тусламж чат. Бид ажлын 3 өдрийн дотор хариулна.
2. Бид ямар мэдээлэл цуглуулдаг вэ
- Бүртгэл: нэр, имэйл, нууц үг (зөвхөн шифрлэгдсэн хэлбэрээр), сонгосон аватар. Google-ээр нэвтэрвэл Google-ээс ирэх нэр, имэйл.
- Суралцах явц: сорилын хариулт ба оноо, Суурь хэсгийн түвшин, «Тусламж» чатад бичсэн мессеж.
- AI Багш: таны бичсэн асуулт болон хавсаргасан зураг хариулт гаргуулахаар AI үйлчилгээ үзүүлэгч рүү илгээгдэнэ (5-р хэсэг). Бид тэдгээрийг өөрийн өгөгдлийн санд хадгалдаггүй — зөвхөн өдөрт хэдэн асуулт асуусан тоог хадгална.
- Төлбөр: төлбөрийн дугаар, дүн, огноо, багц. Төлбөрийн хуудсанд таны имэйл byl.mn-д дамжина. Банкны картын мэдээлэл бидэнд ирдэггүй.
- Таны төхөөрөмж дээр: нэвтрэлтийн күүки, өнгөний тохиргоо, Суурь хэсгийн явц, сурах төлөвлөгөө, дуусаагүй сорилын хариулт хөтчийн санд (localStorage) хадгалагдана. Эдгээрийг хөтчийнхөө тохиргооноос хүссэн үедээ устгаж болно.
- Автоматаар: IP хаяг, хөтчийн төрөл — серверийн богино хугацааны бүртгэлд.
Таны мэдээлэл олон нийтэд нээлттэй харагддаггүй. Бид таны мэдээллээр зар сурталчилгаа хийдэггүй, гуравдагч этгээдэд зардаггүй.
3. Яагаад цуглуулдаг вэ
- Таныг нэвтрүүлж, явцыг тань хадгалах — таны зөвшөөрөл.
- Сорилын дүн, алдаа давтах, хувийн төлөвлөгөө гаргах — таны зөвшөөрөл.
- Төлсөн багцыг нээх — гэрээ гүйцэтгэх.
- Үйлчилгээг хамгаалах (хууль бус хандалт, хэт олон оролдлогыг хаах) — хууль ёсны ашиг сонирхол.
Өөр зорилгоор ашиглах бол танаас дахин зөвшөөрөл авна.
4. Хэр удаан хадгалдаг вэ
- Бүртгэл, явц, чат, багц: бүртгэлээ устгах хүртэл. Устгасан даруйд бүрмөсөн устгана.
- AI асуултын өдөр тутмын тоо: бүртгэл устгах хүртэл.
- AI-д илгээсэн асуулт, зураг: бид хадгалдаггүй. AI үйлчилгээ үзүүлэгч өөрийн бодлогын дагуу богино хугацаанд хадгалж болно.
- Серверийн бүртгэл (IP): хэдэн хоног.
- Төлбөрийн бүртгэл: нягтлан бодох бүртгэлийн хуульд заасан хугацаанд — бүртгэлээ устгасан ч таны нэргүйгээр.
5. Хэнд дамжуулдаг вэ
Зөвхөн үйлчилгээ ажиллуулахад шаардлагатай дараах үйлчилгээ үзүүлэгчид хандана:
- Supabase — өгөгдлийн сан, нэвтрэлт (Энэтхэг, Мумбай).
- Vercel — вэб хостинг (Энэтхэг, Мумбай; хурдасгах сүлжээ нь дэлхий даяар).
- Resend — бүртгэлийн код, нууц үг сэргээх имэйл илгээх (АНУ-ын компани, сервер нь Япон, Токио). Зөвхөн таны имэйл хаяг дамжина.
- byl.mn / QPay — төлбөр (Монгол Улс).
- Google — зөвхөн «Google-ээр нэвтрэх»-ийг сонгосон үед (АНУ).
Хуулиар шаардсан үед төрийн байгууллагад өгч болно.
6. Мэдээлэл улсын хилээс гарах тухай
Дээрх үйлчилгээ үзүүлэгчдийн сервер Монгол Улсын нутаг дэвсгэрээс гадна — Энэтхэг, Япон, АНУ-д байрладаг. Тиймээс таны мэдээлэл гадаад улсад хадгалагдаж, боловсруулагдана. Бүртгүүлэхдээ та энэ дамжуулалтад тодорхой зөвшөөрөл өгнө (зөвшөөрсөн огноог бид хадгална). Та зөвшөөрлөө хэдийд ч Профайл → Бүртгэл устгах-аар буцаан татаж болно — ингэвэл таны мэдээллийг устгаж, үйлчилгээг зогсооно.
7. Таны эрх
- Бид ямар мэдээлэл хадгалдгийг мэдэх, хуулбар авах
- Буруу мэдээллийг засуулах (нэр, аватараа Профайлаас өөрөө засна)
- Мэдээллээ устгуулах — Профайл → Бүртгэл устгах
- Зөвшөөрлөө буцаан татах, боловсруулалтыг эсэргүүцэх
Хүсэлтээ info@yargaitech.com хаягаар эсвэл «Тусламж» чатаар илгээнэ үү. Бид ажлын 7 өдрийн дотор шийдвэрлэнэ.
8. Күүки
Бид зөвхөн нэвтрэлт, аюулгүй байдалд заавал шаардлагатай күүки ашигладаг. Зар сурталчилгааны болон хянах (аналитик) күүки ашигладаггүй.
9. Аюулгүй байдал
HTTPS шифрлэлт, нууц үгийн шифрлэлт, өгөгдлийн сангийн мөр түвшний хандалтын хяналт (хэрэглэгч зөвхөн өөрийнхөө мэдээллийг харна), аюулгүй байдлын толгой мэдээлэл, төлбөрийн мэдэгдлийн гарын үсгийн шалгалт ашигладаг. Мэдээлэл алдагдсан нь илэрвэл бид 72 цагийн дотор танд имэйлээр мэдэгдэж — юу алдагдсан, ямар үр дагавар гарч болзошгүй, бид ямар арга хэмжээ авсныг мэдээлнэ. Мөн бүртгэлд тэмдэглэж, хуулийн дагуу Хүний эрхийн Үндэсний Комисст тайлагнана.
10. Хүүхдийн мэдээлэл
Манай хэрэглэгчдийн олонх нь 18 хүрээгүй сурагч. 18-аас доош настай бол бүртгүүлэхээсээ өмнө энэ бодлогыг эцэг эх, асран хамгаалагчтайгаа уншиж, зөвшөөрөл авна уу. Төлбөрийг эцэг эх, асран хамгаалагч хийх нь зүйтэй. Эцэг эх, асран хамгаалагч хүүхдийнхээ мэдээллийг үзэх, устгуулах хүсэлтээ info@yargaitech.com хаягаар илгээж болно.
11. Гомдол гаргах
Эхлээд info@yargaitech.com хаягаар эсвэл «Тусламж» чатаар бидэнд хандана уу. Хариултад сэтгэл ханамжгүй бол Хүний эрхийн Үндэсний Комисс-т гомдол гаргах, эсхүл шүүхэд хандах эрхтэй.
12. Өөрчлөлт
Энэ бодлогыг өөрчилбөл дээрх огноог шинэчилж, чухал өөрчлөлтийг сайт дээр мэдэгдэнэ.