ЭЕШ.online — ЭЕШ-д бэлдэх хамгийн энгийн арга

1Шалгалтын газрын зураг

Нийгэм судлалын ЭЕШ жил бүр нэг л дарааллаар ирдэг. 2022–2025 оны А, Б, В, Г хувилбаруудыг бүгдийг нь тоолж үзэхэд 1-р хэсгийн 56 асуулт яг ийм блокуудад хуваагддаг. Энэ дарааллыг мэдэх нь «одоо аль сэдэв ирэх вэ» гэж тааварлахгүй, тархиа шууд тэр сэдэв рүү шилжүүлэх давуу тал өгнө.

1–9 · Нийгэм: нийгэмшил, давхраажилт, судалгааны арга, нийгмийн хэв маяг 10–18 · Соёл (+ логик) 19–27 · Эдийн засаг 28–37 · Улс төр 38–47 · Эрх зүй (кэйс, тооцоо) 48–56 · Олон улсын харилцаа 2.1–2.4 · Харгалзуулах даалгавар: 4 × 5 мөр

Хил ±1–2 асуултаар хөдөлж болно. Тоолсон: 2022–2025 оны 11 бодит хувилбар

1-р хэсэг: 56 сонгох даалгавар = 80 оноо (32 нь 1 оноо, 24 нь 2 оноо) 2-р хэсэг: 4 харгалзуулах × 5 мөр = 20 оноо Нийт: 100 оноо, 100 минут

Энгийнээр: Шалгалт бол зургаан өрөөтэй байшин. Өрөө бүр нэг сэдэв. Аль өрөөнд орж байгаагаа мэдвэл тэнд юу байдгийг ч мэднэ.

2100 минутыг хуваах

0–55 мин · 1–56: асуулт бүр ~1 минут. Эргэлзвэл тэмдэглээд цааш. 55–75 мин · 2.1–2.4 харгалзуулах: даалгавар бүр ~5 минут. 75–95 мин · Тэмдэглэсэн асуултууд, ялангуяа 2 оноотой кэйс, тооцоо. 95–100 мин · Хоосон үлдсэн хариу байхгүй эсэхийг шалга.

Чит код

Хоосон бүү орхи

Буруу хариултаас оноо хасдаггүй. Мэдэхгүй асуултаа ч 5 хувилбараас 2–3-ыг нь хасаад таа: санамсаргүй тааврын 20 % боломж 33–50 % болно.

2 оноотой асуултууд ихэвчлэн кэйс (Иргэн Б…, тохиолдол), тооцоо (тэтгэвэр, инфляци, ДНБ) эсвэл «аль хэсэгт алдаа байна» хэлбэртэй. Эдгээр нь цаг их иддэг тул эхний гүйлтэд нэг удаа уншаад шийдэж чадахгүй бол дараа нь буц.

3Харгалзуулах даалгаврыг алдаагүй бөглөх

Зүүн талд a–e гэсэн 5 ойлголт, баруун талд 5 эсвэл 6 тодорхойлолт байдаг. Мөр бүр 1 оноо. Нэг алдаа ихэвчлэн хоёр алдаа болдог: буруу хос сонговол зөв хос нь ч хоосон үлддэг.

Чит код

Хамгийн итгэлтэйгээсээ эхэл

5 мөрийг дарааллаар нь биш, хамгийн сайн мэдэхээсээ эхэлж бөглө. Ашигласан тодорхойлолтоо зурж хас. Сүүлийн 1–2 мөр хасалтаар өөрөө тодорно.

Чит код

6 сонголт байвал нэг нь хуурамч

Баруун талд 6 мөр байхад зөвхөн 5 нь хэрэглэгдэнэ. Эхлээд итгэлтэй 3–4 хосоо холбо — үлдсэн 2–3 мөрөөс аль нь аль ч ойлголтод тохирохгүй байгааг олоход хялбар болно.

ЭЕШ-ийн заль. «Нео-»/«шинэ» гэсэн хос онолууд (неореализм ↔ реализм, неомарксизм ↔ марксизм, шинэ сонгодог ↔ сонгодог) нэг даалгаварт хамт ирдэг. Тэдгээрийн тодорхойлолт хоорондоо маш төстэй тул нэг доор андуурч сонгох нь хамгийн түгээмэл алдаа. Доорх картуудаас албан ёсны түлхүүрээр ямар мөр аль онолд очдогийг цээжил — 2025 оны А, Б хувилбарын түлхүүр хоорондоо яг адил.

Харгалзуулах сэдвүүд хувилбар хооронд давтагддаг: 2025 онд эдийн засгийн сургуулиуд (А, Б, Г), олон улсын харилцааны онолууд (А, Б, В), олон улсын баримт бичгийн төрөл (А, Б, Г) гурван хувилбарт тус бүр гарсан; 2022 онд инфляцийн төрлүүд (А, Б, Г), хатуу/зөөлөн хүч ба дипломат ажиллагаа (А, Б, В, Г) гарсан. Доорх картууд яг эдгээр бодит мөрүүд.

4Сурагчдын хамгийн их алддаг мөрүүд

Хоёрдугаар хэсэг нь 4 харгалзуулах даалгавар (2.1–2.4), тус бүр 5 мөр, нийт 20 оноо. Манай санд 11 бодит хувилбараас 170 харгалзуулах мөр бий.

ЭЕШ-ийн заль. Манай сурагчдын хамгийн их алдсан асуулт: ЭЕШ 2025 · А · №2.1e — 5-аас 5 нь алдсан; ЭЕШ 2025 · А · №2.2a — 5-аас 5 нь алдсан. Доор өөрөө туршаад үз.

Шалгах асуулт

ЭЕШ 2025 · А · №2.1e (2025 В №2.1e-д ч гарсан) 2.1. Дараах ойлголтуудыг тохирох өгөгдөлтэй нь харгалзуулна уу. e) Кейнсизм Доорх өгөгдлүүдээс тохирохыг нь сонгоно уу.

Шалгах асуулт

ЭЕШ 2025 · А · №2.2a (2025 Г №2.2a-д ч гарсан) 2.2. Намын үзэл баримтлалыг тохирох өгөгдөлтэй нь харгалзуулна уу. a) Зүүний нам Доорх өгөгдлүүдээс тохирохыг нь сонгоно уу.